2018-yilning 18-oktabr kuni xalq deputatlari G‘allaorol tumani Kengashining navbatdan tashqari o‘ttiz yettinchi sessiyasi bo‘lib o‘tdi. Sessiya ishida tashkiliy masala ko‘rildi. Bu haqda “Sangzor.uz” xabar berdi.
Sessiyada Jizzax viloyat hokimining birinchi o‘rinbosari G‘anisher Mamatqulov qatnashdi va so‘zga chiqib, tumanni ijtimoiy iqtisodiy rivojlantirish bo‘yicha amalga oshirilgan ishlar hamda tuman rahbariyati tomonidan yo‘l qo‘yilgan kamchiliklar to‘g‘risida so‘z yuritdi.
Shundan so‘ng Abdurashid Yuldashevni G‘allaorol tumani hokimi lavozimidan ozod etish to‘g‘risidagi Jizzax viloyati hokimining qarori o‘qib eshittirildi.
Ushbu masala ovozga qo‘yilib, deputatlar tomonidan bir ovozdan ma’qullandi.
Sessiyada O‘zbekiston Respublikasi Prezidenti Administratsiyasining roziligi bilan Oqboyev Jalolitdin Jamolovich G‘allaorol tumani hokimi vazifasini bajaruvchisi etib tayinlandi.
Sessiya ishi yakunida tumanni 2018—2021-yillarda kompleks rivojlantirish dasturini izchil amalga oshirish bo‘yicha bajarilishi lozim bo‘lgan vazifalar hamda ishlar to‘g‘risida batafsil so‘z yuritildi.
Izoh (0)