O‘zbekistonda ilk bor Janubiy Koreyada bo‘lib o‘tadigan Face of Asia go‘zallik tanlovida ishtirok etish uchun modellar bellashuvi bo‘lib o‘tdi. Bu haqda “Nuz.uz” xabar bermoqda.
Toshkentning “Anhor-Lokomotiv” bog‘idagi Axelon karting-markazida o‘tkazilgan Face of Central Asia Uzbekistan tanlovida 18 nafar yigit-qiz ishtirok etdi. Ulardan 6 nafari Tojikiston poytaxti Dushanbeda joriy yil 26-oktabrda bo‘lib o‘tadigan Face of Central Asia yarim finalida qatnashish huquqini qo‘lga kiritdi.
O‘zbekistonlik nomzodlarning 2-3 nafari 2019-yil yozida Janubiy Koreya poytaxti Seulda o‘tkaziladigan Face of Asia finaliga yo‘l oladi.
Asia Model Festival madaniyat, moda, dizayn va go‘zallik xalqaro festivali (Face of Asia tanlovi shu tadbir doirasida bo‘lib o‘tadi) Janubiy Koreyada kelgusi yil 14-marotaba o‘tkaziladi. Festivalning final qismi dunyoning 127 davlatiga to‘g‘ridan-to‘g‘ri translyatsiya qilinadi.
Izoh (0)