18—19-oktabr kunlari Toshkent shahrida O‘zbekiston — Rossiya ta’lim forumi tashkil etiladi. Bu haqda “Xalq so‘zi” xabar bermoqda.
Mazkur tadbirda O‘zbekiston va Rossiyaning yetakchi oliy ta’lim muassasalari ishtirok etadi.
Ikki mamlakatning hukumat rahbarlari, ta’lim va fan vazirlari, 80 dan ortiq oliy o‘quv yurti rektorlari qatnashadigan tadbirdan ko‘zlangan asosiy maqsad O‘zbekiston va Rossiya o‘rtasida zamonaviy yo‘nalish va mutaxassisliklar bo‘yicha malakali kadrlar tayyorlash hamda ilmiy-tadqiqot sohasida o‘zaro hamkorlikni yangi bosqichga olib chiqishdan iborat.
Shuningdek, ushbu nufuzli anjuman Rossiyaning yetakchi oliy ta’lim muassasalari bilan qo‘shma dasturlar asosida talabalarni o‘qitish, fakultet va kafedralar tashkil qilish, o‘qituvchilar malakasini oshirish, maqsadli ilmiy izlanishlar olib borish, o‘quv va ilmiy adabiyotlar almashish uchun zamin yaratadi.
Izoh (0)