Fuqarolar yig‘inlari raislarining navbatdagi saylovlari 2019-yilning may oyiga belgilandi. Fuqarolarni o‘zini o‘zi boshqarish organlarining amaldagi rahbarlari vakolatlari yangi raislar saylanguniga qadar uzaytirildi, bunda oqsoqollar vakolatlarining yangi muddati uch yilni tashkil qiladi. Bu haqda “Norma.uz”ga, “Gazeta.uz” xabar berdi.
Bu o‘zgarish “Fuqarolar yig‘ini raislari (oqsoqoli) saylovlarini takomillashtirish munosabati bilan O‘zbekiston Respublikasining ba’zi qonun hujjatlariga o‘zgartirish kiritish to‘g‘risida”gi va “Fuqarolar yig‘ini raisi (oqsoqoli) saylovi to‘g‘risida”gi qonunning yangi tahririda nazarda tutilgan
Qonun hujjatlariga ko‘ra, fuqarolar yig‘ini yoki fuqarolar vakillari yig‘ilishining saylovlarini tashkil qilish va o‘tkazish, sanasi, vaqti va o‘tkazish joyi, bu lavozimga nomzodlar haqidagi ma’lumotlar fuqarolarning o‘zini o‘zi boshqarish organlari faoliyatini muvofiqlashtirish kengashlari saytida saylov o‘tkazish kunidan kamida besh kun oldin e’lon qilinadi.
Fuqarolar yig‘ini raisini saylashda ovoz berish jarayoni qat’iy ravishda saylov byulletenlarini to‘ldirish orqali yashirish shaklda o‘tkaziladi. Avval yashirin va ochiq ovoz berish shakllaridan foydalanilgan.
Hovlilar, ko‘p qavatli uylar va ko‘chalardan saylovlarga vakillik me’yori avvalgidek shahar yoki viloyat komissiyadi tomonidan belgilanadi, biroq fuqarolar vakillari soni saylovda ishtirok etish huquqiga ega bo‘lgan fuqarolar umumiy sonining 12 foizidan kam bo‘lmasligi kerak.
Raislarni saylash uchun o‘rnatilgan tartib ularning maslahatchilariga qo‘llanilmaydi. Maslahatchilar oqsoqollar saylovlari natijalariga ko‘ra bir oy davomida saylanadi va bir vaqtning o‘zida kengash, faoliyatning asosiy turlari bo‘yicha komissiyalar va fuqarolar yig‘inining taftish komissiyasi shakllantiriladi.
Izoh (0)