Аргентинада III ёзги ўсмирлар Олимпия ўйинлари ниҳоясига етиб бормоқда. Кеча, 16 октябрь куни уч нафар ўзбекистонлик боксчи ярим финал жангларида иштирок этди.
-69 кг вазн тоифасида мусобақада иштирок этган Жаҳонгир Раҳмонов аргентиналик Агустин Аррегуига қарши жанг қилди ва имкониятни бой бериб қўйди. -81 кг вазнли Тимур Мержанов россиялик Руслан Колесниковга мағлуб бўлди.
-56 кг вазн тоифасида Ўзбекистон шарафини ҳимоя қилган Абдумалик Халаковнинг аргентиналик боксчи Мирко Куэлога қарши жангда Абдумалик ғалаба қозонди ва финал йўлланмасига эга бўлди.
Энди икки нафар ўзбекистонлик боксчи бронза медали учун жанг қилса, бири олтин медаль учун рингга кўтарилади.
17 октябрь, чоршанба
Бронза медали учун:
-69 кг: Жаҳонгир Раҳмонов – Нижат Ҳасанов (Озарбайжон) (22:00).
18 октябрь, пайшанба
Олтин медаль учун:
-56 кг: Абдумалик Халаков – Максим Калиничев (Украина) (21:30).
Бронза медали учун:
-81 кг: Тимур Мержанов – Юсуф Али Карар (Миср) (22:45).
Изоҳ (0)