Kecha, 16-oktabr sanasida Braziliya terma jamoasi o‘rtoqlik o‘yinida Argentina termasini 1:0 hisobida mag‘lub etdi.
O‘yindagi yagona gol 90-daqiqada PSJ hujumchisi Neymarning uzatmasidan so‘ng “Inter” himoyachisi Joao Miranda tomonidan kiritildi.
Mazkur golli uzatma sabab Neymarning Braziliya terma jamoasi safidagi gol+pas tizimidagi ochkolari soni 100 taga yetdi. Shulardan 59 tasi gol, 41 tasi esa golli uzatma. Neymar bu natijaga erishish uchun 94 ta o‘yinda qatnashishiga to‘g‘ri keldi.
Ma’lumot uchun, Neymar Braziliya terma jamoasi tarixida uchinchi eng yaxshi to‘purar bo‘lib turibdi. Undan oldinda Ronaldo (62 ta gol) va Pele (72 ta gol) bor.
Izoh (0)