Davlat rahbari farmoyishlariga asosan Adliya vazirligi va organlari xodimlari Prezident administratsiyasining mas’ul lavozimlarigatayinlandi. Bu haqda “Daryo”ga vazirlik jamoatchilik bilan aloqalar bo‘limi ma’lum qildi.
Jumladan:
Jizzax viloyat adliya boshqarmasi boshlig‘i Behzod Boliyev Prezident administratsiyasi Aholining ijtimoiy qatlamlari bilan ishlash sho‘basi mudiri;
Adliya vazirligining Nodavlat notijorat tashkilotlar boshqarmasining bosh maslahatchisi Eldor Hasanbayev Prezident Administratsiyasi Nodavlat notijorat tashkilotlar bilan hamkorlik qilish sho‘basi yetakchi konsultanti;
Hukumat bayonnoma qarorlari va idoraviy normativ hujjatlarni huquqiy ekspertizadan o‘tkazish boshqarmasining bosh maslahatchisi Bobur Karimov Prezident Administratsiyasi Davlat hokimiyati respublika organlari bilan ishlash sho‘basi yetakchi inspektori lavozimlarigatayinlandi.
Ta’kidlash joizki, oxirgi paytlarda Adliya vazirligi tizimida mehnat qilayotgan ko‘plab malakali xodimlar respublika yuqori tashkilotlariga tegishli lavozimlarga tayinlanishi kuzatilmoqda.
Xususan, 2017—2018-yillarning o‘zida Prezident administratsiyasida 16 nafar, Vazirlar Mahkamasida 8 nafar, Hisob palatasida 2 nafar xodim mas’ul rahbarlik lavozimlarini egalladi.
Izoh (0)