Давлат раҳбари фармойишларига асосан Адлия вазирлиги ва органлари ходимлари Президент администрациясининг масъул лавозимларигатайинланди. Бу ҳақда «Дарё»га вазирлик жамоатчилик билан алоқалар бўлими маълум қилди.
Жумладан:
Жиззах вилоят адлия бошқармаси бошлиғи Беҳзод Болиев Президент администрацияси Аҳолининг ижтимоий қатламлари билан ишлаш шўъбаси мудири;
Адлия вазирлигининг Нодавлат нотижорат ташкилотлар бошқармасининг бош маслаҳатчиси Элдор Ҳасанбаев Президент Администрацияси Нодавлат нотижорат ташкилотлар билан ҳамкорлик қилиш шўъбаси етакчи консултанти;
Ҳукумат баённома қарорлари ва идоравий норматив ҳужжатларни ҳуқуқий экспертизадан ўтказиш бошқармасининг бош маслаҳатчиси Бобур Каримов Президент Администрацияси Давлат ҳокимияти республика органлари билан ишлаш шўъбаси етакчи инспектори лавозимларигатайинланди.
Таъкидлаш жоизки, охирги пайтларда Адлия вазирлиги тизимида меҳнат қилаётган кўплаб малакали ходимлар республика юқори ташкилотларига тегишли лавозимларга тайинланиши кузатилмоқда.
Хусусан, 2017—2018 йилларнинг ўзида Президент администрациясида 16 нафар, Вазирлар Маҳкамасида 8 нафар, Ҳисоб палатасида 2 нафар ходим масъул раҳбарлик лавозимларини эгаллади.
Изоҳ (0)