GM Uzbekistan Spark avtomobillarini imtiyozli avtokreditlash bo‘yicha aksiya nihoyasiga yetganini ma’lum qildi

Infinbank ATB bilan birgalikda Spark R2 Optimum A/T avtomobilini imtiyozli avtokreditlash bo‘yicha tashkil etilgan aksiyaning ilk kunidayoq ajratilgan avtomobillarning deyarli barchasiga shartnomalar tuzib bo‘lingan edi. Bu haqda GM Uzbekistan xabar bermoqda.

Xaridorlar o‘rtasidagi yuqori talabni inobatga olgan holda ushbu aksiyaga qo‘shimcha tarzda 235 dona R2 Comfort A/T komplektatsiyasidagi Spark avtomobili kiritildi.

R2 Optimum A/T va R2 Comfort A/T komplektatsiyasidagi Spark avtomobillarning aksiya uchun ajratilgan barcha miqdori nihoyasiga yetdi. Shu munosabat bilan GM Uzbekistan Infinbank ATB bilan ushbu aksiyaning muvaffaqiyatli yakunlanganligini ma’lum qilgan hamda mazkur tadbirga yuqori qiziqish bildirgan barcha mijozlarga ishtirok etganliklari uchun o‘z minnatdorchiligini bildirgan.

Kelgusida kompaniya yanada ko‘proq aksiyalar o‘tkazish, shuningdek, imtiyozli avtokreditlash uchun modellar qatorini kengaytirishni rejalashtirgan.