Fransiyaning Fives kompaniyalar guruhi “O‘zqurilishmateriallari” bilan birgalikda O‘zbekistonda avtomobil oynalari ishlab chiqarishni yo‘lga qo‘yishni rejalashtirmoqda. Bu haqda “Podrobno.uz” xabar berdi.
“Guruhimiz og‘ir mashinasozlik va muhandislik bo‘yicha loyihalar, jihozlar ishlab chiqarishga ixtisoslashgan. Oxirgi ikki yil ichida o‘zbekistonlik sheriklar bilan tig‘iz sheriklikni yo‘lga qo‘ydik. Jumladan, yuqori sifatli oyna mahsulotlari tayyorlashni tashkillayapmiz. O‘zbekiston bu mahsulotlarni eksportga jo‘natishi mumkin”, — dedi kompaniyaning xalqaro rivojlanish bo‘yicha direktori Jan-Mari Karoff.
Ma’lumot uchun, Fives kompaniyalar guruhiga 200 yil avval asos solingan bo‘lib, bugungi kunda dunyoning 30 dan ortiq davlatida vakolatxonalari bor. Xodimlaring umumiy soni 8 mingdan oshadi.
Izoh (0)