BMW kompaniyasi X6 M krossoverining yangi avlodi sinovini boshladi. Avtomobilning taqdimoti 2019-yilning aprel oyiga Shanxay avtosaloniga mo‘ljallangan. Bu haqda “Korrespondent.net” xabar berdi.
Avtomobil CLAR platformasi asosiga qurilgan. Bu model uchun to‘liq uzatma ko‘zda tutilgan.
Krossover 600 ot kuchiga ega. U 4,4 litr sig‘imli V8 dvigateli bilan jihozlangan. Mashina 100 km/soat tezlikka 4,2 soniyada erishadi, eng yuqori tezlik soatiga 250 kilometrni tashkil qiladi.
Avtomobilning tashqi ko‘rinishi avvalgi talqindan orqa eshiklarning burchakli shakli, tom chiziqlari va bamperlar bilan farqlanadi. Shuningdek, krossover g‘ildirak arkasi va radiatorning yangi panjarasiga ham ega bo‘lgan.
Izoh (0)