Qishloq xo‘jaligi va oziq-ovqat sohasi bo‘yicha 10 dan ortiq yetakchi kompaniya rahbarlaridan iborat Sichuan provinsiyasi delegatsiyasi a’zolarining Surxondaryoga amaliy tashrifi nihoyasiga yetdi. Bu haqda “Daryo”ga viloyat hokimligi axborot xizmati ma’lum qildi.
5 kunlik tashrif davomida xitoylik ishbilarmonlar viloyatdagi yirik sanoat va qishloq xo‘jaligi korxonalari, chorvachilik, parrandachilik va boshqa sohalarga ixtisoslashgan fermer xo‘jaliklarida bo‘lib, ularning faoliyati bilan yaqindan tanishdi.
O‘tkazilgan uchrashuvlarda oziq-ovqat mahsulotlarini yetishtirish va qayta ishlash bo‘yicha muzokaralar olib borildi, ikki tomonning savdo-iqtisodiy va investitsion hamkorlik imkoniyatlari to‘g‘risida fikr almashildi.
Tashrif yakuni bo‘yicha o‘zaro manfaatli loyihalarni amalga oshirish yuzasidan 5 ta memorandum imzolandi.
Izoh (0)