Samarqand viloyatidagi Chelak transport kollejining o‘quvchisi 18 yoshli Bekjon E. 21 yashar Abbos S.ni o‘ldirganlikda ayblanmoqda. Bu haqda Sevimli TV telekanalining Zamon dasturida ma’lum qilindi, deya xabar beradi “Gazeta.uz”.
Payariq tumanida yashovchi Bekjon 3-oktabr kuni “Bahor” mahallasidagi dalada tanishi Abbosni uchratib qoladi. Avvalgi kelishmovchiliklar tufayli ikki yoshning o‘rtasida janjal boshlanadi va Bekjon Abbosga og‘ir tan jarohatlari yetkazadi.
U kasalxonaga olib ketilayotganda yo‘lda hayotdan ko‘z yumdi.
Ayblanuvchiga nisbatan JKning 104-moddasi 3-qismi “d” bandi bilan (o‘limga olib kelgan qasddan og‘ir tan jarohati yetkazish) jinoyat ishi qo‘zg‘atildi. U hibsga olingan.
Izoh (0)