Majburiy ijro byurosining Kasbi tumani bo‘limi tezkor sho‘ba katta inspektori X.Ravshanov bo‘lim boshlig‘i nomiga bildirgi bilan murojaat qildi, deb xabar beradi MIB matbuot xizmati.
X.Ravshanov o‘z bildirgisida 2018-yil 14-sentabr kuni Kasbi tumanining maktablarning birida o‘tkazilgan monitoringda, elektr energiyasidan noqonuniy foydalanganligi holati yuzasidan rasmiylashtirilgan dalolatnomani va ish yuzasidan boshqa hujjatlarni yo‘q qilib berish evaziga maktab direktori F.M. 200 ming so‘m pora tariqasida taklif qilganligi, unga nisbatan qonuniy chora ko‘rishini so‘ragan.
Mazkur holat yuzasidan boshqarma xodimlari va tuman prokuraturasi xodimlari bilan hamkorlikda o‘tkazilgan tadbir davomida maktab direktori MIB xodimiga 200 000 so‘m pullarni bergan vaqtida ashyoviy dalillar bilan ushlangan va tegishli tartibda rasmiylashtirilgan.
Maktab direktoriga nisbatan Jinoyat kodeksining 211-moddasi 1-qismi bilan jinoyat ishi qo‘zg‘atilib, hozirda tergov harakatlari olib borilmoqda.
Izoh (0)