Мажбурий ижро бюросининг Касби тумани бўлими тезкор шўъба катта инспектори Х.Равшанов бўлим бошлиғи номига билдирги билан мурожаат қилди, деб хабар беради МИБ матбуот хизмати.
Х.Равшанов ўз билдиргисида 2018 йил 14 сентябрь куни Касби туманининг мактабларнинг бирида ўтказилган мониторингда, электр энергиясидан ноқонуний фойдаланганлиги ҳолати юзасидан расмийлаштирилган далолатномани ва иш юзасидан бошқа ҳужжатларни йўқ қилиб бериш эвазига мактаб директори Ф.М. 200 минг сўм пора тариқасида таклиф қилганлиги, унга нисбатан қонуний чора кўришини сўраган.
Мазкур ҳолат юзасидан бошқарма ходимлари ва туман прокуратураси ходимлари билан ҳамкорликда ўтказилган тадбир давомида мактаб директори МИБ ходимига 200 000 сўм пулларни берган вақтида ашёвий далиллар билан ушланган ва тегишли тартибда расмийлаштирилган.
Мактаб директорига нисбатан Жиноят кодексининг 211-моддаси 1-қисми билан жиноят иши қўзғатилиб, ҳозирда тергов ҳаракатлари олиб борилмоқда.
Изоҳ (0)