Shu kunlarda Fransiya matbuotida O‘zbekistonga bag‘ishlangan maqolalar e’lon qilinmoqda. Xususan, France24 telekanali sayti 5-oktabrdan fransuz sayyohlari uchun O‘zbekistonga 1 oylik vizasiz tizim joriy etilgani ijobiy voqea bo‘lganini yozdi.
Maqolada O‘zbekistonda so‘nggi yillarda turizm, eksport, ishlab chiqarish sohalarida olib borilayotgan keng ko‘lamli islohotlar natijasida O‘zbekiston dunyo hamjamiyati ko‘z o‘ngida yangi qiyofada namoyon bo‘layotgani, Prezidentning ichki siyosatdagi odilona qarorlari, tashqi siyosatda xorij, xususan, Yevropa davlatlari bilan hamkorlik munosabatini mustahkamlash yo‘lidagi sa’y-harakatlari bunda muhim omil bo‘layotgani ta’kidlangan.
Maqolada Shavkat Mirziyoyev mamlakatga rahbarlik faoliyati davomida Yevropa davlatlari orasida birinchilardan bo‘lib Fransiyaga tashrif buyurayotgani qayd etilgan. Shuningdek, Yevropa mamlakatlari orasidan birinchi bo‘lib Fransiya fuqarolari uchun O‘zbekistonga vizasiz kelish tizimini joriy etgani alohida e’tirof etilgan.
Izoh (0)