Шу кунларда Франция матбуотида Ўзбекистонга бағишланган мақолалар эълон қилинмоқда. Хусусан, France24 телеканали сайти 5 октябрдан француз сайёҳлари учун Ўзбекистонга 1 ойлик визасиз тизим жорий этилгани ижобий воқеа бўлганини ёзди.
Мақолада Ўзбекистонда сўнгги йилларда туризм, экспорт, ишлаб чиқариш соҳаларида олиб борилаётган кенг кўламли ислоҳотлар натижасида Ўзбекистон дунё ҳамжамияти кўз ўнгида янги қиёфада намоён бўлаётгани, Президентнинг ички сиёсатдаги одилона қарорлари, ташқи сиёсатда хориж, хусусан, Европа давлатлари билан ҳамкорлик муносабатини мустаҳкамлаш йўлидаги саъй-ҳаракатлари бунда муҳим омил бўлаётгани таъкидланган.
Мақолада Шавкат Мирзиёев мамлакатга раҳбарлик фаолияти давомида Европа давлатлари орасида биринчилардан бўлиб Францияга ташриф буюраётгани қайд этилган. Шунингдек, Европа мамлакатлари орасидан биринчи бўлиб Франция фуқаролари учун Ўзбекистонга визасиз келиш тизимини жорий этгани алоҳида эътироф этилган.
Изоҳ (0)