“O‘zavtosanoat” rahbari Shavkat Umurzoqovning Asakadagi GM Uzbekistan zavodiga tashrifidan so‘ng bir qator rahbar xodimlar ishdan olinib, ularning o‘rniga yangi kadrlar tayinlangan. Bu haqda GM Uzbekistan matbuot xizmati xabar bermoqda.
Xabar berishlaricha, lavozimidan ozod qilingan xodimlarning “ishlarida jiddiy kamchilik va xatolar borligi aniqlangan, ular ko‘p vaqt o‘z mansablarida bo‘lishgan va faoliyatlari davomida ishlab chiqarishni oldinga siljishiga yo‘l bermagan va ziyon ko‘rishiga sabab bo‘lgan”.
Ularning o‘rniga “avtosanoatning yangi konsepsiyasini qo‘llab quvvatlaydigan, avvalgi xodimlarning xatolari ustida tegishli choralar ko‘ra oladigan hamda oldiga qo‘yilgan vazifani amalda xaqqoniy va sifatli bajara oladigan malakali va intiluvchan mutaxassislar” tayinlangan. Yangi 10 rahbar xodimning bari lavozimlarga “vaqtinchalik vazifa bajaruvchi” sifatida tayinlangan.
Yangi tayinlovlar
- Azimov Alisher Mirabbasovich — umumiy masalalar bo‘yicha bosh direktor o‘rinbosari v.b., 1975-yilda Toshkent shahrida tug‘ilgan, iqtisodchi-menedjer, tizimdagi ish tajribasi 7 yil;
- To‘xtaboyev Akramjon Hoshimjonovich — ishlab chiqarish bo‘yicha bosh direktor v.b., 1973-yilda Namangan shahrida tug‘ilgan, muhandis-tizim texnigi, tizimdagi ish tajribasi 23 yil;
- Akbarov Kozimjon Komiljonovich — kommunal xizmat ko‘rsatish va kapital qurilish direksiyasi direktori v.b., 1965-yilda Farg‘ona shahrida tug‘ilgan, muhandis-mexanik, tizimdagi ish tajribasi 10 yil;
- Abdurahmonov Dilshodbek Avazovich — muhandislik mahsuloti va yetkazib beruvchilar sifati direksiyasi direktori v.b., 1981-yilda Andijon shahrida tug‘ilgan, avtomatlashtirish va texnologik jarayonlarni boshqaruvi, tizimdagi ish tajribasi 13 yil;
- To‘raqulov Elyor Baxtiyorovich — global xaridlarni boshqarish bo‘yicha direktor v.b., 1987-yilda Andijon shahrida tug‘ilgan, menejer, tizimdagi ish tajribasi 8 yil;
- Mamadaliyev Alisher Muradilovich — muhandislik mahsuloti va yetkazib beruvchilar sifati direksiyasi direktori o‘rinbosari v.b., 1988-yilda Andijon shahrida tug‘ilgan, iqtisodchi, tizimdagi ish tajribasi 8 yil;
- Mamajonov Anvarjon Mamajonovich — transport orqali yuk tashish bo‘limi boshlig‘i v.b., 1972-yilda Andijon viloyatida tug‘ilgan, muhandis iqtisodchi, tizimdagi ish tajribasi 8 yil;
- Murodov Akmal Boyqobilovich — ish boshqaruvchi v.b., 1979-yilda Toshkent shahrida tug‘ilgan, menejer, tizimdagi ish tajribasi 6 yil;
- Shonazarov Shavkat Shuhratovich — presslash sexi boshlig‘i v.b., 1990-yilda Navoiy shahrida tug‘ilgan, mashinosozlik muhandisi, tizimdagi ish tajribasi 4 yil;
- Musayev Abdurahim Pataxovich — bosh direktor maslahatchisi v.b. — markaziy yuklash maydoni rahbari, 1969-yilda Toshkent shahrida tug‘ilgan, iqtisodchi, yurist, tizimdagi ish tajribasi 8 yil.
Izoh (0)