Facebook ijtimoiy tarmog‘i videoqo‘ng‘iroqlarni amalga oshirish mumkin bo‘lgan o‘zining birinchi gadjetini taqdim etdi. Kompaniya displeylar qatori bilan bozorga chiqmoqda. Bu haqda “Korrespondent.net” xabar qildi.
Gadjet ikki xil ko‘rinishda taqdim qilingan. Portal nomini olgan birinchi qurilma 1280x800 o‘lchamli 10 dyuymli displeyga ega. ikkinchisi esa Portal+ nomini olgan bo‘lib, 1920x1080 pikselli 15 dyuymli ekran bilan jihozlangan.
“Aqlli” kamerali gadjet suhbatlashuvchilarga bir joyda turmasdan gaplashishga imkon beradi. Kamera avtomatik tarzda harakatni kuzatadi va fokusni suhbatlashuvchida ushlab turadi. “Aqlli” ovoz texnologiyasi fon shovqinini kamaytiradi va suhbatdosh displeydan qancha uzoqlikda turganidan qat’i nazar ovoz sifatini avtomatik tarzda yaxshilaydi.
Shuningdek, qurilma Facebook Messenger’dagi aloqlar bilan, hatto ularda bunday gadjetlar bo‘lmasa ham, muloqot qilishga imkon beradi. Bunday holatda ular Messenger o‘rnatilgan telefon va planshetlarda muloqot qilishi mumkin. Gadjetda bir vaqtning o‘zida yetti kishi guruh bo‘lib muloqot qilishi mumkin.
Today we're excited to introduce @PortalFacebook to everyone. Come say hi and check out https://t.co/jQuzzc97CK to learn more. pic.twitter.com/PzlTQDi6NI
— Meta (@Meta) October 8, 2018
Kompaniya tomonidan alohida qayd etilishicha, Facebook Portal gadjetlari yordamida qilingan videoqo‘ng‘iroqlar mazmunini eshitmaydi, qayta ko‘rmaydi va saqlamaydi. Barcha videoqo‘ng‘iroqlar himoyalangan.
Facebook gadjetlari AQSh hududida noyabr oyidan boshlab Portal uchun 199 dollar, Portal+ uchun esa 349 dollar narxda sotuvga chiqishi kutilmoqda. Hozircha qurilmalarga AQShda facebook.com, shunindek, Amazon va Best Buy orqali oldindan buyurtma berish mumkin.
Izoh (0)