Facebook ижтимоий тармоғи видеоқўнғироқларни амалга ошириш мумкин бўлган ўзининг биринчи гаджетини тақдим этди. Компания дисплейлар қатори билан бозорга чиқмоқда. Бу ҳақда «Корреспондент.net» хабар қилди.
Гаджет икки хил кўринишда тақдим қилинган. Portal номини олган биринчи қурилма 1280х800 ўлчамли 10 дюймли дисплейга эга. иккинчиси эса Portal+ номини олган бўлиб, 1920х1080 пикселли 15 дюймли экран билан жиҳозланган.
«Ақлли» камерали гаджет суҳбатлашувчиларга бир жойда турмасдан гаплашишга имкон беради. Камера автоматик тарзда ҳаракатни кузатади ва фокусни суҳбатлашувчида ушлаб туради. «Ақлли» овоз технологияси фон шовқинини камайтиради ва суҳбатдош дисплейдан қанча узоқликда турганидан қатъи назар овоз сифатини автоматик тарзда яхшилайди.
Шунингдек, қурилма Facebook Messenger’даги алоқлар билан, ҳатто уларда бундай гаджетлар бўлмаса ҳам, мулоқот қилишга имкон беради. Бундай ҳолатда улар Messenger ўрнатилган телефон ва планшетларда мулоқот қилиши мумкин. Гаджетда бир вақтнинг ўзида етти киши гуруҳ бўлиб мулоқот қилиши мумкин.
Today we're excited to introduce @PortalFacebook to everyone. Come say hi and check out https://t.co/jQuzzc97CK to learn more. pic.twitter.com/PzlTQDi6NI
— Meta (@Meta) October 8, 2018
Компания томонидан алоҳида қайд этилишича, Facebook Portal гаджетлари ёрдамида қилинган видеоқўнғироқлар мазмунини эшитмайди, қайта кўрмайди ва сақламайди. Барча видеоқўнғироқлар ҳимояланган.
Facebook гаджетлари АҚШ ҳудудида ноябрь ойидан бошлаб Portal учун 199 доллар, Portal+ учун эса 349 доллар нархда сотувга чиқиши кутилмоқда. Ҳозирча қурилмаларга АҚШда facebook.com, шуниндек, Amazon ва Best Buy орқали олдиндан буюртма бериш мумкин.
Изоҳ (0)