Android smartfonlari avlodining birinchi vakili bo‘lgan HTC Dream smartfoni 10 yoshga to‘ldi. Qurilma 2008-yil 23-sentabrda taqdim etilgan edi, deb yozmoqda “Korrespondent.net”.
Amerikada smartfon T-Mobile G1 nomi ostida chiqqan. Nashr qurilmaning taqdimoti aks etgan videoga ham e’tibor qaratdi.
HTC Dream Android operatsion tizimida ishlagan, slayder qurilmasiga ega bo‘lgan. Alohida klaviatura sababli qurilmaning qalinligi 17 millimetrga teng bo‘lgan. Smartfonning ekrani esa sensorli bo‘lgan.
T-Mobile G1 smartfoni Qualcomm MSM7201A protsessorida yagona yadroga ega bo‘lgan. Qurilmaning operativ xotirasi 192 megabaytga teng, kamerasi esa uch megapikselli bo‘lgan. Qurilma hajmi 16 gigabaytdan katta xotira kartasini qabul qila olmagan.
Birinchi Android smartfonining rekordlaridan biri AQSh bozorining olti foizini egallagani bo‘lgan.
Izoh (0)