Xavfsizlik sohasidagi mutaxassis Xiraj Mishra Telegram messenjerida xavfli zaiflikni aniqladi. Zaiflik sababli dasturda amalga oshirilgan qo‘ng‘iroqlar vaqtida foydalanuvchilarning IP-manzili oshkor bo‘ladi. Bu haqda “Korrespondent.net” xabar berdi.
Uning ta’kidlashicha, ma’lumotlar sizib chiqishi messenjer sozlamalarida o‘rnatilgan abonentlar o‘rtasidagi to‘g‘ridan-to‘g‘ri bir darajali P2P bog‘lanish sababli yuzaga keladi.
Mobil talqinda bu vazifani o‘chirib qo‘yish mumkin. Biroq kompyuterlar uchun mo‘ljallangan talqinda bu imkoniyat ko‘zda tutilmagan.
Oqibatda P2P dan foyadalanganda suhbatning ikkala ishtirokchisining IP manzili loglarda ko‘rinadi va bu foydalanuvchilarning turgan joyini aniqlashga imkon beradi.
Mishra aniqlangan zaiflik haqida messenjer dasturchilariga xabar bergan. Ular esa messenjerning kompyuter talqiniga bu vazifani o‘chirish imkoniyatini qo‘shgan. O‘z navbatida Mishra mukofot sifatida ikki ming yevro olgan.
Izoh (0)