Microsoft kompaniyasi Office 2019 ni taqdim etdi

Microsoft kompaniyasi Office 2019 ofis dasturlari paketini taqdim etdi. Paket Windows va Mac operatsion tizimlari uchun ko‘zlangan. Paket har oyda yangilanadigan Office 365 xizmatiga o‘tmagan tashkilotlar va individual foydalanuvchilarga uchun mo‘ljallangan. Bu haqda “Korrespondent.net” xabar berdi.

Yangi paketga Word, Excel, PowerPoint, Outlook, Project, Visio, Access va Publisher dasturlarining yangilangan talqinlari kirgan.

Ekspertlarning ta’kidlashicha, Office 2019 kompaniya dasturchilari tomonidan so‘nggi uch yil ichida Office 365 ga qo’shilgan deyarli barcha yangilanishlarni o‘z ichiga olgan.