Germaniyaninig Frankfurt-Mayn shahri bosh prokuraturasi Germaniya va Marokash fuqaroligiga ega bo’lgan 25 yoshli erkakka nisbatan ayblov e’lon qildi. U IShIDga aloqadorlikda gumonlanmoqda. Bu haqda “RIA Novosti” xabar berdi.
Prokuratura tomonidan berilgan ma’lumotga ko‘ra, erkak Suriyada IShIDga jangari sifatida qo‘shilganlikda gumonlanmoqda. U 2013-yilning iyul oyida Frankfurtdan Turkiya orqali Suriyaga yetti kishilik guruhning rahbari sifatida uchgan va u yerda IShIDning harbiy bazasiga yo‘l olgan. Ayblanuvchi u yerda o‘z shaxsiy ma’lumotlarini taqdim etgan va yangi a’zolarning ro‘yxatdan o‘tish anketasini tuzishda ishtirok etgan.
Tergov ma’lumotlariga ko‘ra, ayblanuvchi IShID bazasida jangari sifatida ta’lim olgan. Uning haqiqiy janglarda ishtirok etgan-etmaganligini tergov aniqlamagan. 2013-yilning noyabr oyi oxirida erkak Turkiya orqali Germaniyaga qaytgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)