Германияниниг Франкфурт Майн шаҳри бош прокуратураси Германия ва Марокаш фуқаролигига эга бўлган 25 ёшли эркакка нисбатан айблов эълон қилди. У ИШИДга алоқадорликда гумонланмоқда. Бу ҳақда «РИА Новости» хабар берди.
Прокуратура томонидан берилган маълумотга кўра, эркак Сурияда ИШИДга жангари сифатида қўшилганликда гумонланмоқда. У 2013 йилнинг июль ойида Франкфуртдан Туркия орқали Сурияга етти кишилик гуруҳнинг раҳбари сифатида учган ва у ерда ИШИДнинг ҳарбий базасига йўл олган. Айбланувчи у ерда ўз шахсий маълумотларини тақдим этган ва янги аъзоларнинг рўйхатдан ўтиш анкетасини тузишда иштирок этган.
Тергов маълумотларига кўра, айбланувчи ИШИД базасида жангари сифатида таълим олган. Унинг ҳақиқий жангларда иштирок этган-этмаганлигини тергов аниқламаган. 2013 йилнинг ноябрь ойи охирида эркак Туркия орқали Германияга қайтган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)