Yevropa Chempionlar Ligasida haftaning eng yaxshi o‘yinchisi​ aniqlandi

UEFA Yevropa Chempionlar Ligasida haftaning eng yaxshi o‘yinchisi ma’lum bo‘ldi. Bu haqda tashkilot rasmiy saytida xabar berildi.

Unga ko‘ra, Chempionlar Ligasida haftaning eng yaxshi o‘yinchisi sifatida “Barselona” hujumchisi Lionel Messi e’tirof etildi.

Messidan tashqari mazkur nomga “Liverpul” yarim himoyachisi Jeyms Milner, “Lion” hujumkor yarim himoyachisi Nabil Fekir hamda “Manchester Yunayted” yarim himoyachisi Pol Pogba da’vogarlik qilgandi.

Eslatib o‘tamiz, Lionel Messi YChLning 1-turidan o‘rin olgan “Barselona” — PSV uchrashuvida (4:0) xet-trik qayd etishga erishdi. Jeyms Milner esa “Liverpul” — PSJ bahsida (3:2) penaltidan gol urdi. Nabil Fekir “Manchester Siti” — “Lion” o‘yinida (1:2) bitta gol va golli uzatmaga mualliflik qildi. Fransiyalik Pol Pogba “Yang Boyz” — “Manchester Yunayted” (0:3) qarama-qarshiligida 2 ta gol urib, dubl qayd etdi.