Bugun, 21-sentabr kuni Toshkentdagi Milliy olimpiya qo‘mitasida Indoneziyada bo‘lib o‘tgan XVIII Osiyo o‘yinlarida g‘olib va sovrindor bo‘lgan sportchilarni taqdirlash marosimi bo‘lib o‘tdi. Bu haqda “Daryo” muxbiri xabar bermoqda.
Taqdirlash marosimida so‘zga chiqqan O‘zbekiston bosh vaziri Abdulla Aripov Osiyo o‘yinlarida sovrindor bo‘lgan sportchilarning murabbiylariga qancha miqdorda mukofot pullari berilishiga oydinlik kiritdi. Aripovga ko‘ra, shogirdlari Osiyo o‘yinlarida qo‘lga kiritgan medaliga qarab quyidagicha mukofot puliga ega bo‘ladi:
- Oltin medalga — 2,5 ming dollar;
- Kumush medalga — 1,5 ming dollar;
- Bronza medalga — 1 ming dollar.
Ma’lumot uchun, XVIII yozgi Osiyo o‘yinlarida O‘zbekiston sharafini 30 ta sport turi bo‘yicha 232 nafar sportchi himoya qildi. Shundan 21 nafar sportchi oltin, 24 sportchi kumush va 25 nafar sportchi bronza medalni qo‘lga kiritdi.
Izoh (0)