Yevropa Chempionlar Ligasi 2018/19-yilgi mavsumida “B” guruhining 1-tur o‘yinlari doirasida ikkinchi bellashuv ham yakuniga yetdi. Biroz avval mazkur guruhdan joy olgan “Barselona”—PSV uchrashuvida kataloniyaliklar 4:0 hisobida g‘alaba qozonganligi haqida xabar berilgandi.
Guruhning ikkinchi o‘yinida Milanning “Inter” jamoasi o‘z maydonida Londonning “Tottenhem” klubini qabul qilib, 2:1 hisobidagi g‘alabaga erishdi. Uchrashuvda hisob o‘yinning 53-daqiqasida “shporlar” yetakchisi Kristian Eriksen tomonidan ochildi. O‘yinning 85-daqiqasida Mauro Ikardi chiroyli zarbasi bilan hisobni tenglashtirdi. Ikkinchi bo‘limga qo‘shib berilgan daqiqalarda esa Matias Vesino “Inter”ga 3 ochko keltirgan golga mualliflik qildi.
Yevropa Chempionlar Ligasi
1-tur bellashuvlari
18-sentabr, seshanba
“B” guruhi
“Inter” – “Tottenhem” 2:1
Gollar: 0:1 – 53 Eriksen, 1:1 – 85 Ikardi, 2:1 – 90 Vesino.“Inter”: Xandanovich, Miranda, de Vrey, Shkrinyar, Asamoa, Nainggolan (Valero, 89), Brozovich, Perishich (Kandreva, 64), Vesino, Politano (Balde Keyta, 72), Ikardi.
“Tottenhem”: Vorm, Sanches, Devis, Orye, Vertongen, Dembele, Dayer, Lamela (Uinks, 72), Eriksen, Keyn (Rouz, 90), Son Xyon Min (Lukas Moura, 64).
Ogohlantirishlar: Shkrinyar (21), Sanches (38), Perishich (43), Vertongen (51), Vorm (82)
Izoh (0)