Bugun, 18-sentabr sanasida O‘zbekiston Kubogining 1/4 finalidan o‘rin olgan dastlabki ikki uchrashuv bo‘lib o‘tdi.
Bitta o‘yindan iborat chorak finalning birinchi juftlik bahsiga Qo‘qon shahri mezbonlik qildi. Unda “Qo‘qon-1912” jamoasi Navoiyning “Qizilqum” klubini qabul qilib, Suhrob Berdiyevning har ikkala bo‘limda bittadan kiritgan gollari evaziga g‘alabaga erishdi va yarim finalga chiqdi.
Chorak finalning yana bir juftligi bahsi Toshkentda “Paxtakor” va “Lokomotiv” o‘rtasida bo‘lib o‘tdi. Unda “sherlar” “temiryo‘lchilar”ni 4:0 hisobida tor-mor etdi. Birinchi bo‘limning 21-daqiqasida Yegor Krimets jamoasini oldinga olib chiqdi. 42-daqiqada “Loko” a’zosi Sadriddin Abdullayev qo‘polligi sabab maydondan chetlatildi. Ikkinchi bo‘limda braziliyalik Tiago Bezerra dublga erishgan bo‘lsa, shuningdek, Igor Sergeyev ham o‘z nomiga gol yozib qo‘ydi.
Shu tariqa, bugunning o‘zida O‘zbekiston kubogining ikki yarim finalchisi nomi ma’lum bo‘ldi.
O‘zbekiston Kubogi
1/4 final bellashuvlari
18-sentabr, seshanba
“Qo‘qon-1912” – “Qizilqum 2:0
Gollar: 1:0—17 Suhrob Berdiyev, 2:0—77 Suhrob Berdiyev.“Paxtakor” – “Lokomotiv” 4:0
Gollar: 1:0—21 Yegor Krimets, 2:0—53 Tiago Bezerra, 3:0—82 Tiago Bezerra, 4:0—89 Igor Sergeyev.Chetlatish: Sadriddin Abdullayev 42.
Izoh (0)