Европа Чемпионлар Лигаси 2018/19 йилги мавсумида «B» гуруҳининг 1-тур ўйинлари доирасида иккинчи беллашув ҳам якунига етди. Бироз аввал мазкур гуруҳдан жой олган «Барселона»—ПСВ учрашувида каталонияликлар 4:0 ҳисобида ғалаба қозонганлиги ҳақида хабар берилганди.
Гуруҳнинг иккинчи ўйинида Миланнинг «Интер» жамоаси ўз майдонида Лондоннинг «Тоттенҳэм» клубини қабул қилиб, 2:1 ҳисобидаги ғалабага эришди. Учрашувда ҳисоб ўйиннинг 53-дақиқасида «шпорлар» етакчиси Кристиан Эриксен томонидан очилди. Ўйиннинг 85-дақиқасида Мауро Икарди чиройли зарбаси билан ҳисобни тенглаштирди. Иккинчи бўлимга қўшиб берилган дақиқаларда эса Матиас Весино «Интер»га 3 очко келтирган голга муаллифлик қилди.
Европа Чемпионлар Лигаси
1-тур беллашувлари
18 сентябрь, сешанба
«B» гуруҳи
«Интер» – «Тоттенҳэм» 2:1
Голлар: 0:1 – 53 Эриксен, 1:1 – 85 Икарди, 2:1 – 90 Весино.«Интер»: Ханданович, Миранда, де Врей, Шкриньяр, Асамоа, Наингголан (Валеро, 89), Брозович, Перишич (Кандрева, 64), Весино, Политано (Балде Кейта, 72), Икарди.
«Тоттенҳэм»: Ворм, Санчес, Дэвис, Орье, Вертонген, Дембеле, Дайер, Ламела (Уинкс, 72), Эриксен, Кейн (Роуз, 90), Сон Хён Мин (Лукас Моура, 64).
Огоҳлантиришлар: Шкриняр (21), Санчес (38), Перишич (43), Вертонген (51), Ворм (82)
Изоҳ (0)