Davlat soliq qo‘mitasi olib borgan tahlil natijasida O‘zbekistonning 13,2 million faol aholisining bor-yo‘g‘i 5,8 millioni (44 foizi) rasman ish bilan band ekanligi ma’lum bo‘ldi, deb yozadi Spot.
Aholining ushbu toifasining qolgan qismi, shu jumladan, mehnat muhojirlari, “soyali” mehnat bozorida bo‘lib, maoshni “konvertlarda” oladi.
Har qanday tashkilot uchun ish haqi va ijtimoiy ushlanmalar xarajatlarning ahamiyatli qismi hisoblanadi, shu sababli ushbu xarajatlarni pasaytirish uchun ish beruvchilar real mehnat to‘lovi fondini soliqlardan yashirishga boradi.
Ish haqining “konvertda” to‘lanishi ko‘pincha hisobga olinmagan tushum aylanmasi hisobidan amalga oshiriladi, shu tariqa bitta qonunbuzarlik, boshqasini keltirib chiqaradi.
Soliq xizmatlari organlari tomonidan ushbu holatlarni aniqlash bo‘yicha choralar ko‘rilmoqda va xarajatlarni kamaytirishga qaratilgan ko‘plab hiylalar, amalda aksincha, bu xarajatlarning o‘zini juda ko‘paytirib yuboryapti.
Izoh (0)