Bolalar – bizning kelajagimiz, shuning uchun ularga ta’lim berishdek xayrli ishda pedagoglarga, yosh mutaxassislarga, ota-onalarga va bolalarga ko‘proq qiziqarli adabiyotlar, qo‘llanmalaryaratib, tortiqetishda Spektrum nashriyoti o‘z kuchini ayamay faoliyat ko‘rsatib kelmoqda.
Nashriyot “Maktab kutubxonasi” rukni ostidagi umumta’lim maktablarining o‘zbek tilida ta’lim oluvchi 2, 3, 4-sinf o‘quvchilariga “Govorim i chitayem po-russki” hamda 5 – 7 yosh bolalarga mo‘ljallab, “Bilag‘on bolajonlar kutubxonasi” rukni ostida o‘zbek va rus tillaridagi 22 nomdagi kitoblarni nashrdan chiqardi.
“Govorim i chitayem po-russki” nomli kitoblar o‘zbek tilida so‘zlashuvchi bolajonlarga rus tilini o‘rganishlarida,ya’ni sodda gaplarni tuzishda, so‘z turkumlarining birlikda va ko‘plikda qo‘llanishi, rus alifbosidagi harflar bilan tanishish, yil fasllari, sanoq sonlarning rus tilida aytilishini yorqin rasmlar orqali o‘rganishda yaqindan yordam beradi.
Kitobdagi lug‘atlarda keltirilgan sodda va murakkab so‘z iboralarining tarjimalari bolajonlarning so‘z boyliklarini yanada orttiradi. Undagi rangli illyustratsiyalar, qiziqarli hikoyalar, she’rlar va barcha bolalarga sevimli bo‘lib qolgan multfilmlardagi qo‘shiqlar esa ularning rus tiliga bo‘lgan qiziqishlarini orttiradi.
Kitoblar respublikamizning milliy umumta’lim maktablariga mo‘ljallangan bo‘lib,
2-sinfdan boshlab o‘qitiladigan rus tili darslarida qo‘shimcha adabiyot sifatida hamda darsdan tashqari bo‘ladigan mashg‘ulotlarda va farzandlari bilan uyda shug‘ullanuvchi ota-onalarga qiziqarli qo‘llanma sifatida xizmat qiladi.
“Bilag‘on bolajonlar kutubxonasi” va “Biblioteka Pochemuchki” ruknlari ostida nashr etilgan rus va o‘zbek tillaridagi 11 nomdagi kitobchalar bolaning har tomonlama rivojlanishida, ya’ni uning mantiqiy fikrlashi, shakl va ranglarni to‘g‘ri qabul qilishi, barmoqlar motorikasining rivojlanishida, matematik hisob va chiroyli yozishni o‘rganishdagi boshlang‘ich ko‘nikmalarning shakllanishida hamda bizni o‘rab turgan atrofimizdagi narsa-buyumlar bilan yaqindan tanishishda asqotadi.
Har bir kitobga biriktirilgan ikkita rangli varaqlarni punktir chiziqlari bo‘yicha qirqib, kartochka holida bolangizga bersangiz, ular yordamida u mustaqil misollar tuzishi, kitobda berilgan oq-qora rasmlarni bo‘yashi mumkin bo‘ladi. Bu esa undagi mashg‘ulotlarga bo‘lgan qiziqishining yanada ortishiga yordam beradi.
Kitoblardagi barcha topshiriqlar 5–7 yosh bolalarning aqliy rivojlanishiga moslashtirilgan bo‘lib, ulardan maktabgacha ta’lim muassasalaridagi mutaxassislar, shuningdek, ota-onalar foydalanishlari mumkin.
Manzil: Toshkent shahri, Qushbegi ko‘chasi, 6.
Telefon: (+99897) 155-11-47, (+99871) 276-89-28, (+99893) 553-21-86.
Reklama huquqi asosida
Izoh (0)