Болалар – бизнинг келажагимиз, шунинг учун уларга таълим беришдек хайрли ишда педагогларга, ёш мутахассисларга, ота-оналарга ва болаларга кўпроқ қизиқарли адабиётлар, қўлланмаларяратиб, тортиқетишда Spectrum нашриёти ўз кучини аямай фаолият кўрсатиб келмоқда.
Нашриёт «Мактаб кутубхонаси» рукни остидаги умумтаълим мактабларининг ўзбек тилида таълим олувчи 2, 3, 4-синф ўқувчиларига «Говорим и читаем по-русски» ҳамда 5 – 7 ёш болаларга мўлжаллаб, «Билағон болажонлар кутубхонаси» рукни остида ўзбек ва рус тилларидаги 22 номдаги китобларни нашрдан чиқарди.
«Говорим и читаем по-русски» номли китоблар ўзбек тилида сўзлашувчи болажонларга рус тилини ўрганишларида,яъни содда гапларни тузишда, сўз туркумларининг бирликда ва кўпликда қўлланиши, рус алифбосидаги ҳарфлар билан танишиш, йил фасллари, саноқ сонларнинг рус тилида айтилишини ёрқин расмлар орқали ўрганишда яқиндан ёрдам беради.
Китобдаги луғатларда келтирилган содда ва мураккаб сўз ибораларининг таржималари болажонларнинг сўз бойликларини янада орттиради. Ундаги рангли иллюстрациялар, қизиқарли ҳикоялар, шеърлар ва барча болаларга севимли бўлиб қолган мультфильмлардаги қўшиқлар эса уларнинг рус тилига бўлган қизиқишларини орттиради.
Китоблар республикамизнинг миллий умумтаълим мактабларига мўлжалланган бўлиб,
2-синфдан бошлаб ўқитиладиган рус тили дарсларида қўшимча адабиёт сифатида ҳамда дарсдан ташқари бўладиган машғулотларда ва фарзандлари билан уйда шуғулланувчи ота-оналарга қизиқарли қўлланма сифатида хизмат қилади.
«Билағон болажонлар кутубхонаси» ва «Библиотека Почемучки» рукнлари остида нашр этилган рус ва ўзбек тилларидаги 11 номдаги китобчалар боланинг ҳар томонлама ривожланишида, яъни унинг мантиқий фикрлаши, шакл ва рангларни тўғри қабул қилиши, бармоқлар моторикасининг ривожланишида, математик ҳисоб ва чиройли ёзишни ўрганишдаги бошланғич кўникмаларнинг шаклланишида ҳамда бизни ўраб турган атрофимиздаги нарса-буюмлар билан яқиндан танишишда асқотади.
Ҳар бир китобга бириктирилган иккита рангли варақларни пунктир чизиқлари бўйича қирқиб, карточка ҳолида болангизга берсангиз, улар ёрдамида у мустақил мисоллар тузиши, китобда берилган оқ-қора расмларни бўяши мумкин бўлади. Бу эса ундаги машғулотларга бўлган қизиқишининг янада ортишига ёрдам беради.
Китоблардаги барча топшириқлар 5–7 ёш болаларнинг ақлий ривожланишига мослаштирилган бўлиб, улардан мактабгача таълим муассасаларидаги мутахассислар, шунингдек, ота-оналар фойдаланишлари мумкин.
Манзил: Тошкент шаҳри, Қушбеги кўчаси, 6.
Телефон: (+99897) 155-11-47, (+99871) 276-89-28, (+99893) 553-21-86.
Реклама ҳуқуқи асосида
Изоҳ (0)