AQSh prezidenti Donald Tramp avtomatik tarzda saylovga aralashadigan chet ellik shaxslarga qarshi sanksiyalar kiritadigan farmonni imzoladi, deb yozadi “Exo Moskvi”.
“Farmon muayyan bir mamlakatga qaratilmagan, chunki saylov jarayoniga xavflar turli tomonlardan keladi”, — dedi Trampning milliy xavfsizlik bo‘yicha maslahatchisi Jon Bolton.
Xabarda qayd etilishicha, bunda gap birinchi navbatda Rossiya, shuningdek, Xitoy, Eron va KXDR haqida bormoqda.
Sanksiyalar kiritish jarayoni quyidagicha bo‘ladi: milliy razvedka direktorida AQShda har qanday darajadagi saylovlarga aralashganlik haqida ma’lumot yig‘ish uchun 45 kun vaqt bor. So‘ng ushbu ma’lumot AQSh adliya vazirligi va milliy xavfsizlik departamentiga beriladi. Bosh prokuratura 45 kun ichida aralashuv yuz berganini isbotlovchi dalillar yetarlicha yoki yo‘qligi haqida qaror qilishi kerak. Bu tasdiqlansa, Bosh prokuraturaning qarori avtomatik tarzda sanksiyalar kiritadi, bunda aralashuvga aloqador shaxslarning AQSh hududidagi aktivlari muzlatib qo‘yiladi. Prezident, davlat departamenti yoki moliya vazirligi qo‘shimcha sanksiyalar kiritishi mumkin.
Izoh (0)