Xitoyning Xunan provinsiyasida joylashgan Xenyan shahridagi maydonda yo‘ltanlamasning odamlar ustiga bostirib borishi oqibatida halok bo‘lganlar soni to‘qqiz kishiga yetdi, deb yozadi “RIA Novosti”.
Avvalroq uch kishi qurbon bo‘lgani xabar berilgandi. Shuningdek, jabrlanganlar soni 43 dan 46 kishigacha o‘sdi.
Eslatib o‘tamiz, politsiya hujum qilgan kishining qo‘lga olingani va shaxsi aniqlangani haqida xabar bergan, u huquqni muhofaza qiluvchi idoralarga boshqa jinoyatlar bo‘yicha ma’lum bo‘lgan.
Mahalliy OAVlar qo‘lga olingan shaxs bedavo saraton xastaligiga chalingani va buning uchun jamiyatdan g‘azabda bo‘lgani uchun shunday ishga qo‘l urgani haqida yozmoqda. Bu ma’lumotlar rasman tasdiqlangani yo‘q.
Izoh (0)