Toshkent viloyatining Bekobod tumanida fermer xo‘jaliklariga noqonuniy ravishda moliyaviy qo‘llab-quvatlash mablag‘larini ajratib, budjet mablag‘larini talon-taroj qilish holati aniqlandi, deya xabar bermoqda Bosh prokuratura matbuot xizmati.
O‘zbekiston Bosh prokuraturasi huzuridagi departamentning Bekobod tuman bo‘limi tomonidan o‘tkazilgan tergovga qadar tekshiruv davomida, 2017-yilning noyabr-dekabr oylarida tumandagi Qishloq va suv xo‘jaligi, Statistika, Yer resurslari va davlat kadastri bo‘limlari rahbarlaridan iborat komissiya a’zolari 25 nafar fermer xo‘jaliklariga noqonuniy ravishda jami 237,7 million so‘mlik moliyaviy qo‘llab-quvvatlash mablag‘larini budjetdan ajratib, ushbu mablag‘larni fermer xo‘jaliklari hisob-raqamlariga o‘tkazib, budjet mablag‘larini talon-taroj qilganliklari aniqlangan.
Mazkur holat yuzasidan yuqoridagi tashkilotlar mansabdor shaxslariga nisbatan Jinoyat Kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Izoh (0)