Afg‘oniston fuqarosi Abdulhamid Muhammad Hasan O‘zbekistonga qarshi qaratilgan jinoiy xatti-harakatlarda ishtirok etganligi uchun 2005-yil MXX tomonidan qo‘lga olingan. Jinoyat ishlari bo‘yicha Toshkent shahar sudi tomonidan unga nisbatan Jinoyat Kodeksining bir nechta moddalariga asosan jinoyat ishi qo‘zg‘atilib, 16 yilga ozodlikdan mahrum qilingan. Bu haqda “Yoshlar” telekanaliga tayanib, Uz24 xabar berdi.
https://www.facebook.com/yoshlartvofficial/videos/831677347025649/
O‘zbekiston Prezidentining joriy yil 30-avgustdagi farmoniga muvofiq Abdulhamid Muhammad Hasan kechirildi va ozodlikka chiqarildi.
Abdulhamid Muhammad Hasan 1977-yil Afg‘oniston Islom Respublikasida tug‘ilgan. U 1998-yildan boshlab Afg‘onistonda Tohir Yo‘ldosh rahbarlik qilgan “O‘zbekiston islom harakati” terroristik tashkilotiga a’zo bo‘lib, uning tarkibida faol ishtirok etib kelgan.
Xususan, O‘zbekiston Respublikasining amaldagi davlat tuzumini Konstitutsiyaga xilof ravishda o‘zgartirishga, hokimiyatni bosib olishga qaratilgan fitnada qatnashib, davlat organlari faoliyatiga hamda mamlakatdagi ijtimoiy-siyosiy vaziyatning barqarorligiga putur yetkazish kabi jinoyatlarni sodir etgan.
Izoh (0)