Афғонистон фуқароси Абдулҳамид Муҳаммад Ҳасан Ўзбекистонга қарши қаратилган жиноий хатти-ҳаракатларда иштирок этганлиги учун 2005 йил МХХ томонидан қўлга олинган. Жиноят ишлари бўйича Тошкент шаҳар суди томонидан унга нисбатан Жиноят Кодексининг бир нечта моддаларига асосан жиноят иши қўзғатилиб, 16 йилга озодликдан маҳрум қилинган. Бу ҳақда «Ёшлар» телеканалига таяниб, Uz24 хабар берди.
https://www.facebook.com/yoshlartvofficial/videos/831677347025649/
Ўзбекистон Президентининг жорий йил 30 августдаги фармонига мувофиқ Абдулҳамид Муҳаммад Ҳасан кечирилди ва озодликка чиқарилди.
Абдулҳамид Муҳаммад Ҳасан 1977 йил Афғонистон Ислом Республикасида туғилган. У 1998 йилдан бошлаб Афғонистонда Тоҳир Йўлдош раҳбарлик қилган «Ўзбекистон ислом ҳаракати» террористик ташкилотига аъзо бўлиб, унинг таркибида фаол иштирок этиб келган.
Хусусан, Ўзбекистон Республикасининг амалдаги давлат тузумини Конституцияга хилоф равишда ўзгартиришга, ҳокимиятни босиб олишга қаратилган фитнада қатнашиб, давлат органлари фаолиятига ҳамда мамлакатдаги ижтимоий-сиёсий вазиятнинг барқарорлигига путур етказиш каби жиноятларни содир этган.
Изоҳ (0)