Surxondaryo viloyati hokimligida AQShning Headwall Power LLC kompaniyasi vakillari bilan uchrashuv bo‘lib o‘tdi. Bu haqda hokimlik axborot xizmati ma’lum qildi.
Muloqotda viloyatning muqobil energiya manbalari sohasidagi salohiyati, quyosh energetikasini rivojlantirish, jumladan, quyosh elektr stansiyalarini bunyod etish bo‘yicha qo‘shma loyihalarni amalga oshirishdagi mavjud imkoniyatlar haqida so‘z yuritildi.
Headwall Power LLC kompaniyasi tomonidan Qiziriq tumanida quvvati 300 MVtdan 1 GVtgacha bo‘lgan, umumiy qiymati 1,2 mlrd dollarlik loyihalarni amalga oshirishga kelishib olindi. Bunda birinchi bosqichda Bandixon hududida 490 ta xonadonga tajriba tariqasida quyosh panellari o‘rnatiladi.
Izoh (0)