O‘zbekistonda majburiy mehnat borasida quyi bo‘g‘indagi o‘zboshimcha rahbarlarni fosh etishda hukumatga yordam berish uchun @paxta2018_bot manzilida “PAXTA-2018” nomli maxsus bot ochildi. Bu haqda Xushnudbek Xudayberdiyev o‘z Telegram-kanalida xabar bermoqda.
Agarda:
- sizni ish, o‘qish yoki yashash joyingizdan paxta terimiga chiqishga majburlashayotgan bo‘lsa;
- sizdan paxtaga chiqmaslik evaziga pul talab qilishayotgan bo‘lsa;
- paxta dalalarida bolalar mehnatiga guvoh bo‘lsangiz;
- o‘z xohishingiz bilan erkin terimchi sifatida paxta terimiga chiqqan bo‘lsangiz-u, lekin yotoq, oziq-ovqat, mehnat muhofazasi bo‘yicha yetarli sharoitlar bo‘lmasa yoxud paxta terimi uchun mehnat haqingizni o‘z vaqtida berishmayotgan bo‘lsa;
- va shu kabi boshqa muammolar yuzaga kelgan bo‘lsa unda zudlikda xabar bering, deyiladi xabarda.
Izoh (0)