O‘zbekiston musulmonlari idorasi raisi, muftiy Usmonxon Alimov 6-sentabr kuni Qoraqalpog‘iston Respublikasiga tashrif buyurdi. Bu haqda O‘MI matbuot xizmati xabar bermoqda.
Muftiy hazratlari dastlab Muhammad ibn Ahmad al-Beruniy nomidagi o‘rta maxsus islom bilim yurtida ma’naviy-ma’rifiy ishlari bilan tanishdi, “Mustaqillik kuni” darsini o‘tdi va talabalar bilan “Ilm olish fazilati” mavzusida suhbatlashdi.
Tashrif davomida muftiy hazrat Imom Eshon Muhammad jome masjidi yonidan barpo qilingan konferensiya zalida qoziyot tizimidagi masjidlar imom-xatiblari va imom noiblari bilan samimiy muloqot qildi. Muloqot chog‘ida Imom Eshon Muhammad jome masjidining tubdan ta’mirlangani, atrofi obodonlashtirilgani, haqiqiy ma’naviyat o‘chog‘iga aylangani, imom-xatiblar ishlarida ham o‘zgarishlar bo‘layotgani ta’kidlab o‘tildi.
Izoh (0)