Amerikalik yozuvchi, notiq va sayohatchi Daniyel Noll o‘z sayohatlari davomida olgan taasurotlari asosida dunyo mamlakatlarining zamonaviy qiyofasi va erishayotgan yutuqlari haqida ko‘plab maqola va asarlar yozgan. Yaqinda Uncornered market saytida muallifning “O‘zbekistonga kirish uchun vizalar va taklifnomalar” sarlavhali maqolasi e’lon qilindi. Bu haqda O‘zA xabar berdi.
Maqola avvalida yozuvchi so‘nggi ikki yil ichida O‘zbekistonga keluvchilar uchun sayyohlik vizalarini rasmiylashtirish ancha osonlashganiga urg‘u bergan. Jumladan, shu yil iyul oyidan boshlab 51 mamlakatdan keluvchi sayyohlar uchun elektron vizalar joriy etilishi, qisqa muddat ichida viza bilan bog‘liq jarayonlarni yengillashtirish imkonini berganini qayd etgan.
Shuningdek, muallif sohada tatbiq etilayotgan yangi loyiha mamlakatimizga vizasiz, taklif yuzasidan tashrif buyurgan sayyohlar uchun Islom Karimov nomidagi Toshkent xalqaro aeroportining o‘zida vizani rasmiylashtirish imkonini yaratayotgani, bunday islohotlar yurtimizda turizmni rivojlanishiga xizmat qilishini aytib o‘tgan.
Izoh (0)