Kattaqo‘rg‘on tumanida Xalqaro moliya institutlarining 28 million AQSh dollarlik miqdoridagi kreditlarini maqsadli o‘zlashtirish maqsadida bugungi kunda 10 million 689 ming AQSh dollarlik bank kreditlari, 3 million 188 ming AQSh dollarlik tashabbuskorlarning o‘z mablag‘lari hisobidan 18 ta loyiha amalga oshirilishi belgilab olingan. Loyihalarning umumiy qiymati 13 million 877 ming AQSh dollarini tashkil etadi. Bu haqida “Daryo” muxbiri Farhod Norbo‘tayev xabar bermoqda.
Jumladan, 13 gektar yer maydoniga 5 million 965 ming AQSh dollarlik kredit mablag‘lari evaziga 6 ta loyiha amalga oshiriladi. Ushbu loyiha asosida 99 kishi ish bilan ta’minlanib, yiliga 2600 tonna mahsulot yetishtirish rejalashtirilgan.
Tumanda chorvachilikni rivojlantirish uchun 3 million 214 ming AQSh dollarlik mablag‘ evaziga 1144 bosh qoramol olib kelinib, yiliga o‘rtacha 9 million litr sut ishlab chiqarish rejalashtirilgan. Sutni qayta ishlash bo‘yicha yiliga 1200 tonna sutni qayta ishlash quvvatiga ega 310 ming AQSh dollarlik ikkita loyiha amalga oshirilmoqda. Ushbu loyihalar amalga oshirilishi natijasida 120 kishi ish bilan ta’minlanishi ko‘zda tutilgan.
Shuningdek, qishloq xo‘jalik mahsulotlarini saralash bo‘yicha yiliga 300 tonna mahsulotni saralovchi 1 million 200 ming AQSh dollar qiymatiga loyiha ham amalga oshirilishi rejalashtirilgan.
Izoh (0)