Каттақўрғон туманида Халқаро молия институтларининг 28 миллион АҚШ долларлик миқдоридаги кредитларини мақсадли ўзлаштириш мақсадида бугунги кунда 10 миллион 689 минг АҚШ долларлик банк кредитлари, 3 миллион 188 минг АҚШ долларлик ташаббускорларнинг ўз маблағлари ҳисобидан 18 та лойиҳа амалга оширилиши белгилаб олинган. Лойиҳаларнинг умумий қиймати 13 миллион 877 минг АҚШ долларини ташкил этади. Бу ҳақида «Дарё» мухбири Фарҳод Норбўтаев хабар бермоқда.
Жумладан, 13 гектар ер майдонига 5 миллион 965 минг АҚШ долларлик кредит маблағлари эвазига 6 та лойиҳа амалга оширилади. Ушбу лойиҳа асосида 99 киши иш билан таъминланиб, йилига 2600 тонна маҳсулот етиштириш режалаштирилган.
Туманда чорвачиликни ривожлантириш учун 3 миллион 214 минг АҚШ долларлик маблағ эвазига 1144 бош қорамол олиб келиниб, йилига ўртача 9 миллион литр сут ишлаб чиқариш режалаштирилган. Сутни қайта ишлаш бўйича йилига 1200 тонна сутни қайта ишлаш қувватига эга 310 минг АҚШ долларлик иккита лойиҳа амалга оширилмоқда. Ушбу лойиҳалар амалга оширилиши натижасида 120 киши иш билан таъминланиши кўзда тутилган.
Шунингдек, қишлоқ хўжалик маҳсулотларини саралаш бўйича йилига 300 тонна маҳсулотни сараловчи 1 миллион 200 минг АҚШ доллар қийматига лойиҳа ҳам амалга оширилиши режалаштирилган.
Изоҳ (0)