Samarqand viloyati IIB YHXB 2-tumanlararo ro‘yxatlash va imtihon olish bo‘linmasi tomonidan joriy yilning o‘tgan davri davomida auksionda 188 ta avtomobil raqamlari umumiy hisobda 1 206 166 579 so‘mga sotilgan (8-avgust holati bo‘yicha). Bu haqida “Daryo” muxbiri Farhod Norbo‘tayev xabar bermoqda.
Auksionlar “Jismoniy va yuridik shaxslarga avtotransport vositalari uchun ro‘yxatdan o‘tkazish davlat raqami belgilarini oshirilgan to‘lov stavkasi bo‘yicha berishda “O‘zbekiston Respublikasi tovar-xomashyo birjasi aksiyadorlik jamiyatining axborot tizimida auksion o‘tkazish tartibi to‘g‘risidagi” nizomga muvofiq amalga oshirilmoqda.
Bulung‘ur, Jomboy, Tayloq, Urgut va Samarqand tumanlariga xizmat qiluvchi ushbu bo‘limda o‘tgan davr mobiynida 4 mingga yaqin fuqarolar haydovchilik guvohnomasini almashtirishga muvaffaq bo‘lgan. Shuningdek, mast holatda avtomobil boshqargan fuqarolarga nisbatan 30 soatlik qayta o‘quv kurslari tashkil qilingan.
— 1-avgustidan boshlab avtomototransport vositalarini mast holatda boshqarganligi uchun boshqarish huquqidan mahrum qilingan shaxslar, milliy haydovchilik guvohnomasini qaytarib olish uchun, mahrum qilish muddatidan qat’i nazar, majburiy jazo muddati nihoyasiga yetgach, majburiy tibbiy ko‘rikdan o‘tishlari, nazariy hamda amaliy imtihonlar topshirgunigacha malaka oshirishlari shart, — deydi Samarqand viloyati IIB YHXB 2-tumanlararo ro‘yxatlash va imtihon olish bo‘linmasi boshlig‘i Jamshid Qarshiyev.
Izoh (0)