Indoneziyaning Jakarta va Palembang shaharlarida bo‘lib o‘tayotgan Osiyo o‘yinlarining uchinchi kunida o‘zbekistonlik sportchilar yunon-rum kurashi bo‘yicha ham bahslarga kirishgani haqida xabar berilgandi.
-60 kg vaznda gilamga chiqqan Islombek Bahromov nimchorak finalda Xitoy taypeyilik raqibini 10:0 hisobida mag‘lub etib, chorak finalga chiqqandi.
Bahromov chorak finalda hindistonlik raqibini 5:0 hisobida mag‘lub etdi va yarim finalga yo‘l oldi, deb xabar beradi “Daryo” muxbiri.
-67 kg vaznda O‘zbekiston sharafini himoya qilayotgan Yelmurat Tasmuradov turkmanistonlik raqibini 9:0 hisobida mag‘lub etib, chorak finalga chiqqan edi. Yelmurat yarim final yo‘llanmasi uchun eronlik kurashchiga qarshi gilamga chiqib, 8:9 hisobida imkoniyatni boy berib qo‘ydi.
Izoh (0)