20-avgust sanasida Angliya premyer-ligasi 2-turidan o‘rin olgan so‘nggi uchrashuv bo‘lib o‘tdi. Unda “Kristal Pelas” jamaosi o‘z maydonida “Liverpul”ni qabul qildi.
Uchrashuvda hisob 45-daqiqada ochildi. Jeyms Milner Muhammad Saloh ishlagan penaltini golga aylantirib, jamoasini hisobda oldinga olib chiqdi. Ikkinchi gol esa 90-daqiqada Sadio Mane tomonidan kiritildi. Mane Salohning uzatmasidan so‘ng maydonning teng yarmini bir o‘zi bosib o‘tib, darvozabonni aldab gol urdi va jamoasining g‘alabasini ta’minladi.
Shu tariqa Klopp shogirdlari ketma-ket ikkinchi g‘alabani qo‘lga kiritdi.
Angliya premyer-ligasi
2-tur bellashuvlari
20-avgust, dushanba
“Kristal Pelas” — “Liverpul” 0:2
Gollar: 0:1—45, penalti Milner, 0:2—90 Mane.“Kristal Pelas”: Xennessi, Uan-Bissaka, Tomkins, Sako, van Anxolt, Taunsend (Uord, 79), Milivoyevich, Makartur, Shlupp (Mayer, 83), Benteke (Serlot, 70), Zaa.
“Liverpul”: Alisson, Aleksander-Arnold, Gomes, van Deyk, Robertson, Milner (Xenderson, 67), Veynaldum, Keyta (Lallana, 87), Saloh, Firmino (Starrij, 90), Mane.
Ogohlantirishlar: van Anxolt (42), Aleksander-Arnold (52).
Chetlatish: Uan-Bissaka (75).
Izoh (0)