Markaziy bank “Iste’mol krediti to‘g‘risida”gi qonunga o‘zgartish va qo‘shimchalar kiritish haqidagi qonun loyihasini jamoatchilik muhokamasiga qo‘ydi.
Qonun loyihasiga ko‘ra, yuridik shaxslar bilan bir qatorda yakka tartibdagi tadbirkorlarga ham o‘z tovarlari, ishlari va xizmatlarini iste’mol krediti orqali realizatsiya qilish huquqi berilmoqda.
Shu bilan birga, moliyaviy iste’mol krediti berish bo‘yicha amaldagi cheklov, ya’ni bunday kreditni faqat O‘zbekiston Respublikasida ishlab chiqarilgan iste’mol tovarlarini (xizmatlarni) ishlab chiqaruvchi korxona yoki realizatsiya qiluvchi tashkilotning bankdagi hisobvarag‘iga bank yoxud boshqa kredit tashkiloti tomonidan pul mablag‘lari o‘tkazish yo‘li bilan amalga oshiriladi, degan qoida bekor qilinmoqda.
Endi o‘zbekistonliklar iste’mol kreditiga nafaqat mamlakatda ishlab chiqarilgan, balki xorijda tayyorlangan tovarlarni ham olish imkoniyatiga ega bo‘ladi.
Izoh (0)