Xalqaro valyuta jamg‘armasi O‘zbekistonga ba’zi banklarni xususiylashtirishni tavsiya qildi, bu haqda tashkilot xodimlari tashrifi yakunlari bo‘yicha xulosa bayonotida aytiladi, deb yozadi Spot.
Ta’kidlanishicha, davlat korxonalari mamlakat iqtisodiyotining o‘zagi bo‘lib qoladi, ammo tobora ko‘proq muammolarga duch kela boshlaydi, ulardan biri — davlat korxonalariga imtiyozli kreditlar berish amaliyoti bo‘lib, bu ushbu banklarning daromadiga salbiy ta’sir ko‘rsatadi.
“Bu muammoni hal qilish uchun davlat banklarining restrukturizatsiyasi va ular faoliyatining ko‘proq tijorat turiga o‘tkazilishining ta’minlanishi talab etiladi”, — deyiladi bayonotda.
Ko‘rib chiqilayotgan variantlardan biri — O‘zbekiston Tiklanish va taraqqiyot banki resurslaridan foydalanuvchi taraqqiyot bankini yaratish va o‘tmishda taraqqiyot banklari sifatida faoliyat ko‘rsatgan davlat banklarini xususiylashtirish.
Moliyaviy sektor restrukturizatsiyasi puxtalik bilan o‘rganib chiqish va tayyorgarlikni talab etadi, shu sababli shoshma-shosharlik bilan amalga oshirilishi kerak emas, deyiladi bayonotda.
Izoh (0)