Халқаро валюта жамғармаси Ўзбекистонга баъзи банкларни хусусийлаштиришни тавсия қилди, бу ҳақда ташкилот ходимлари ташрифи якунлари бўйича хулоса баёнотида айтилади, деб ёзади Spot.
Таъкидланишича, давлат корхоналари мамлакат иқтисодиётининг ўзаги бўлиб қолади, аммо тобора кўпроқ муаммоларга дуч кела бошлайди, улардан бири — давлат корхоналарига имтиёзли кредитлар бериш амалиёти бўлиб, бу ушбу банкларнинг даромадига салбий таъсир кўрсатади.
«Бу муаммони ҳал қилиш учун давлат банкларининг реструктуризацияси ва улар фаолиятининг кўпроқ тижорат турига ўтказилишининг таъминланиши талаб этилади», — дейилади баёнотда.
Кўриб чиқилаётган вариантлардан бири — Ўзбекистон Тикланиш ва тараққиёт банки ресурсларидан фойдаланувчи тараққиёт банкини яратиш ва ўтмишда тараққиёт банклари сифатида фаолият кўрсатган давлат банкларини хусусийлаштириш.
Молиявий сектор реструктуризацияси пухталик билан ўрганиб чиқиш ва тайёргарликни талаб этади, шу сабабли шошма-шошарлик билан амалга оширилиши керак эмас, дейилади баёнотда.
Изоҳ (0)